సూర్యుడైనా చల్లారడా వాడిలో వేడికి దాడిలో వాడికి ఎప్పుడూ ఆ ధాటి కనలేదని

చిన్న నాటి చెలికాడే.. చురకత్తి లాంటి మొనగాడే ......... యజ్ఞం (2004)

ఈ పాట నా ద్వారా 2003 లో పూర్తి గా వ్యక్తమైనది






చిన్ననాటి చెలికాడే చురకత్తిలాంటి మొనగాడే
ఇన్నినాళ్ళు నా నీడై ఎదిగాడే
చిన్ననాటి సిరిమల్లి ఈనాటి కన్నె జాబిల్లి
వెన్నెలల్లె కన్నుల్లో కొలువుందే
రమ్మనే తన అల్లరి ఝుమ్మనే నా ఊపిరి ||చిన్ననాటి||

సూర్యుడైనా చల్లారడా వాడిలో వేడికి
దాడిలో వాడికి ఎప్పుడూ ఆ ధాటి కనలేదని
చంద్రుడైనా తలదించడా చెలియ చిరునవ్వుకి
చెలిమిలో చలువకి ఎన్నడూ తన సాటి కాలేనని
చిగురాకులై కొండలే ఊగవా చెలరేగు వేగానికి
సిరిమువ్వలై గుండెలే మ్రోగవా వయ్యారి సయ్యాటకి
మాటల్లో మంటలు మనసంతా మల్లెలు స్నేహానికి అర్థమే తానుగా
రమ్మనే ఆ అల్లరి కమ్మగా మది తాకెనే ||చిన్ననాటి||

తరలి రావా ఆ తారలూ రేయి నడిజాములో
వాలుజడసీమలో జాజులై తల దాచుకుంటామని
మురిసిపోవా రాదారులు వాయువేగాలతో
వేయి సరదాలతో తానిలా వస్తున్న కబురే విని
మారాణి పారాణి పాదాలతో ఈ నేల పులకించగా
మారాల గారాల గానాలతో ఈ గాలి కవ్వించగా
కురిసే చిరుజల్లులు విరిసే హరివిల్లులు ముందే చెలి రాకనే చూపగా
ఝుమ్మ్నే నా ఊపిరి ఆమెకే ఎదురేగనీ ||చిన్ననాటి||


చిత్రం : యజ్ఞం (2004)
సంగీతం : మణిశర్మ
రచన : సిరివెన్నెల సీతారామ శాస్త్రి
గానం : ఎస్.పి.బాల సుబ్రహ్మణ్యం , శ్రేయా ఘోషల్
****************************************