ఏ ఫలమును ఆశించకుండా, అన్ని కర్మలకు అతీతమైన భగవత్తత్వాన్ని అరాధించడం ఉత్తమము.

Vvs Sarma

100
కాఙ్క్షన్తః కర్మణాం సిద్ధిం యజన్త ఇహ దేవతాః|
క్షిప్రం హి మానుషే లోకే సిద్ధిర్భవతి కర్మజా|| 4-12 ||
కర్మఫలప్రాప్తిని కోరు మానవులే ఈ ప్రపంచమున దేవతలను ఆరాధించుచున్నారు. దానివలన ఈ మనుష్యలోకమున కర్మఫల సిద్ధి శీఘ్రముగా(క్షిప్రం హి)కలుగుతున్నది.
"క్షేమ స్థైర్య విజయ అభయాయురారోగ్య ఐశ్వర్యాభివృద్ధ్యర్థం,.." అనిదేవతలను యజించడంలో మనుష్యులకు దేవతలకు మధ్య ఒకరకము సంబంధం ఉంటుంది. గుణములు, కర్మ, ఫలము, ఫల ప్రదానము ఈ సంబంధములో ఉన్నాయి. ఏ ఫలమును ఆశించకుండా, అన్ని కర్మలకు అతీతమైన భగవత్తత్వాన్ని అరాధించడం ఉత్తమము. ఆయాగుణముల చేత ఆయా కర్మలుచేసి ఆయా ఫలములు తత్సంబంధ దేవతల ద్వారా పొందుతున్నారు. ఆదేవతలందరూ వేరు వేరు కాదు. ఆ దేవతలకు ఆ వరప్రదాన శక్తిని ఇచ్చినది నేనే అని భగవంతుడు చెబుతున్నాడు. ఈ గుణములేమీ నా సహజ గుణములుకావు. మనుష్యుల కోరికల కోసమే ఆరూపములు వస్తాయి. హిరణ్యకశిపునికి తపః ఫలముగా లభించిన వరము వలననే అతని మృతికై నరసింహావతారము వచ్చినది.

 తమ ఆత్మీయులు ధర్మస్వరూపులు మహారాజ శ్రీ శ్రీ అంజనీ రవిశంకర్ పిళ్ళా వారు