'మాకు ఈతడే స్వామి అయినాడు కనుక, మేము సమస్త సమృద్ధులను సకలాభీష్టాలను పొందిన వారమైతిమి'. అందరికీ ఇచ్చేవాడు ఆయనే. ఒక్క జీవులకే కాదు - పంచభూతాలకు కూడా వాటి మహిమలు ఈ స్వామి వల్లనే లభిస్తున్నాయి. అలా ఇస్తూ పోతుంటే ఆ సంపద తరిగిపోడా! తరిగిపోని మహాసంపద ఆయనే కనుక ఏ సమస్యా లేదు - అంటే కాదు అతడు మహిమల నిధి. అది తరుగనిది.

Bramhasri Samavedam Shanmukha Sarma

విష్ణు సహస్రనామాలలో 29వ నామం భూతాదిః :

౧. సర్వభూతములకు ఆదికారణమైన వాడు. మహాశక్తిమంతాలైన పంచభూతాలకు కూడా కారణమైన అత్యంత సూక్ష్మతత్వం విష్ణువు. కనిపించే ప్రతి కార్యానికి ముందు కర్తయొక్క ఉనికి ఉంటుంది. అలాగే సర్వలోక నియంత. ఈ లోకాల నిర్మాణానికి పూర్వమే ఉన్నవాడు అని 'భూతాది' శబ్దం చెబుతోంది. ఈ పరమ పురుషుని నుండి కాలాది భూతాలు ఏర్పడ్డాయని వేదమంత్రాలు చెబుతున్నాయి.
సర్వేనిమేషా జజ్ఞిరే విద్యుతః పురుషాదధి (యజుర్వేదం)

౨. భూతైః అదీయతే ఉపాదీయతే ఇతి భూతాదిః
భూతములందరి చేత (ప్రాణులందరిఛే) కోరబడే ఆనంద స్వరూపుడు.
అందరికీ దిక్కు ఈతడే. ఏది కావాలన్నా ఈయనే అందివ్వాలి.
సమస్తమస్యాశ్రయణేన సిద్ధ్యతి - అని శ్రుతి.
'అన్నీ ఈయనను ఆశ్రయించడం చేతనే లభిస్తున్నాయి.
ఏతేవయం సర్వ సమృద్ధకామాః
ఏషామయంనో భవితా ప్రశాస్తా!!
'మాకు ఈతడే స్వామి అయినాడు కనుక, మేము సమస్త సమృద్ధులను సకలాభీష్టాలను పొందిన వారమైతిమి'.
అందరికీ ఇచ్చేవాడు ఆయనే. ఒక్క జీవులకే కాదు - పంచభూతాలకు కూడా వాటి మహిమలు ఈ స్వామి వల్లనే లభిస్తున్నాయి. అలా ఇస్తూ పోతుంటే ఆ సంపద తరిగిపోడా! తరిగిపోని మహాసంపద ఆయనే కనుక ఏ సమస్యా లేదు - అంటే కాదు అతడు మహిమల నిధి. అది తరుగనిది.

----------------------------

మహాత్వపూర్వక అగ్రగణ్యులు ఆత్మీయులు ధర్మస్వరూపులు కాలస్వరూపులు 

మహారాజ శ్రీ శ్రీ అంజనీ రవిశంకర్ పిళ్ళా వారు 

స్వచ్చంద సామజిక వేత్త మరియు కార్యకర్త 

నివాసము మరియు పరిపాలన 

కార్యాలయం 

హైదరాబాద్