అంతా కల్మషంలేని చిలిపితనమే ..అవన్నీ ..

Subhashini Thota

అద్భుతమే అనిపించింది .........
బళ్ళో కలిసి చదువుకున్నచిన్ననాటి జతగాళ్ళు ......
ఎవరోలా ఎప్పుడు చూడనట్లు అనిపించినా ....
ఒక్కసారి తరచి చూస్తే ..అవును ..తనే ....అతనే ...
చిన్నప్పుడు .....
కలిసి పంచుకున్న పాఠాలు ...
చింపుకున్న పుస్తకాలు ....
తిట్టుకున్నా ,కొట్టుకున్నా ...మర్చిపోయే పిల్లచేష్టలు ....
కలిసితిన్న రేగుపండ్లు ..దొంగిలించిన జామకాయలు ...
అంతా కల్మషంలేని చిలిపితనమే ..అవన్నీ ..
మాస్టారు వేయించిన బల్ల కుర్చీలు ..మన పంతులమ్మ చెప్పిన నీతి వాక్యాలు జ్ఞప్తికొస్తే...
బాల్యంలో గిల్లికజ్జాలు చిలిపి కబుర్ల స్నేహత్వం ...
పెద్దరికంలో ఎదురైతే మృదు మధురం ఆ సంగమ క్షేత్రం ...
అలా మన చిన్ననాటి స్నేహితులు ....
ఏదో ఒక సందర్భంలో మనల్ని కొత్తగా కలిసినపుడు
మళ్ళి కొత్తగా పరిచయం చేసుకుంటూ ....
క్షేమసమాచారాలు తెలుసుకుంటూ ..ఆ సందడి ...ఆ గలాటా ..ఆ మజా ...ఆ వైభవం బలే ఉంది ..నిజంగా ప్రతిఒక్కరు ....ఎలా ఉన్నావు ..ఏమ్చేస్తున్నావు..ఎక్కడ ఉంటున్నావు ..అంటూ ...చిన్ననాటి జ్ఞాపకాలను నెమరువేసుకుంటూ.. చాలా ఆనందదాయకం ఆ సమయం....ఇంకాసేపు గడిపితే బాగుండు ..ఇంకొన్ని కబుర్లు గుర్తుచేసుకుంటే ...ఇంకాస్త సంతోషం మన సొంతమేమో అనిపిస్తుంది ఆ క్షణం ...సుభాషిణి తోట