ఎవరికి వారి మార్గము సత్యముగాతోచుట సహజము. అందరికీ తన మతమే సత్య మార్గమని చెప్పువాడు ధూర్తుడు. ఎవరిమార్గములో వారిని గమ్యమునకు తీసుకుని వెళ్ళగలవారే సద్గురువులు. భగవంతునికి మతములేదనే సత్యాన్ని భగవద్గీత బోధిస్తుంది.

Vvs Sarma భగవద్గీత 78 ప్రకృతేర్గుణసమ్మూఢాః సజ్జన్తే గుణకర్మసు| తానకృత్స్నవిదో మన్దాన్కృత్స్నవిన్న విచాలయేత్|| 3-29 || ప్రకృతిలోని రాజస, తామస గుణములచేత మోహములోచిక్కి దేహేంద్రియాదులక్రియలయందు ఆసక్తులై కర్మసంగులై జీవించుచున్నవారిని, అల్పజ్ఞులను, మందబుద్ధులను జ్ఞాని వారి మార్గమునుండి చలింపచేయకూడదు.  ఫలాపేక్షతో కర్మలు చేయుచూ పరిపక్వ దశకు రాని సామాన్యులకు వేదాంతముచెప్పి వారిని కర్మభ్రష్టులను చేయకూడదు. వారు చేయుచున్న పనులనే భక్తిశ్రద్ధలతో చేయునట్లు చేయాలి. వారి మతమునుండి మరియొక మతములోనికి తీసుకొనివెళ్ళేప్రయత్నము చేయుట దోషయుక్తము, చేయువారి పాపకర్మ. కృష్ణుడు గీతలో అనేక యోగములు బోధించినాడు. ఆయనది ఏమతము? వేర్వేరు జీవులకు అనుగుణముగా వారి వారి మార్గములు జన్మతోఏర్పడినవి.ఎవరికి వారి మార్గము సత్యముగాతోచుట సహజము. అందరికీ తన మతమే సత్య మార్గమని చెప్పువాడు ధూర్తుడు. ఎవరిమార్గములో వారిని గమ్యమునకు తీసుకుని వెళ్ళగలవారే సద్గురువులు. భగవంతునికి మతములేదనే సత్యాన్ని భగవద్గీత బోధిస్తుంది. ###