భల్లాలదేవుడు ఈ ఒక్క పిలుపుతో రియల్ హీరో అనిపించుకున్నాడు !
Updated : 24-Sep-2016 :
‘‘తెలుగు హీరోలు రీల్ లైఫ్‌లోనే హీరోలు. రియల్ లైఫ్‌లో జీరోలు. టాలీవుడ్‌లో పెద్దలకు హైద్రాబాద్‌పై ఉన్నది ఉత్తుత్తి ప్రేమ. తమిళ హీరో విశాల్‌ను చూసైనా తెలుగు హీరోలు నేర్చుకోవాలి. హీరోయిన్లకు అసలు ఇక్కడుండే డబ్బులు తప్ప జనంతో పనిలేదు. వాళ్లకసలు మానవత్వమే లేదు’’ అదేంటి ఇలా ఆడిపోసుకుంటున్నారనుకుంటున్నారా. ఇవి మేమంటున్న మాటలు కాదు. భాగ్యనగరంపై వరుణుడి ప్రతాపం తరువాత టాలీవుడ్‌పై వినిపిస్తున్న విమర్శలు. అయితే ఎట్టకేలకు ఈ విమర్శలకు ఫుల్‌స్టాప్ పెడుతూ ఓ హీరో ముందుకొచ్చాడు. అతనే దగ్గుబాటి వారబ్బాయి రానా.
హైద్రాబాద్‌లో వరదల వల్ల నష్టపోయిన ప్రజల కోసం రామానాయుడు స్టూడియోస్ 24 గంటలూ తెరిచే ఉంటుందని రానా ట్విట్టర్‌లో పోస్ట్ చేశాడు. ఫేస్2లో బ్లాంకెట్స్, రగ్గులు, బెడ్‌షీట్లు, దుస్తులు, పాదరక్షలు, ఆహార పదార్థాలు, బిస్కెట్లు అందుబాటులో ఉన్నాయని... అక్కడికెళితే పంపిణీ చేస్తారని ట్వీట్ చేశాడు. అల్వాల్(2000), మల్కాజ్‌గిరి(1000), జవహర్‌నగర్(400), మాదాపూర్(500), సికింద్రాబాద్(400) మందికి ఆహారపదార్థాలను పంపిణీ చేయనున్నట్లు రానా తెలిపాడు. ప్రకృతి మనందరినీ మళ్లీ పరీక్షిస్తుందనీ, మంచి మనసున్న ప్రతీ ఒక్కరూ సాయం చేసేందుకు ముందుకు రావాలని రానా పిలుపునిచ్చాడు. వాలంటీర్లు సహాయాన్ని కొనియాడాడు.
No comments:
Post a Comment