బస్సులో ఫుల్‌ట్యాంక్ మానవ మల ఇంధనం పోస్తే 300 కిలోమీటర్ల వరకు ప్రయాణిస్తుందని, ఖర్చు కూడా తక్కువేనని పేర్కొంది. ప్రస్తుతం బ్రిస్టల్ నుంచి బాత్ నగరాల మధ్య దీన్ని తిప్పుతున్నామని, త్వరలో మరిన్ని సర్వీసులను ప్రవేశపెడతామని సంస్థ తెలిపింది. వృథాగా పోయే మన మలమే మనను మోసుకెళ్లడం కొంత ఇబ్బందిగా అనిపించవచ్చునేమో కానీ. ఇది ప్రకృతి పరిరక్షణకు ఎంతో మేలు చేకూర్చే ప్రయత్నమని పర్యావరణవేత్తలు కితాబిస్తున్నారు.

మానవ మలమే ఈ బస్సుకు ఇంధనం!

Updated : 12/1/2014 3:47:11 PM

ఔను.. ఈ చిత్రంలో కనిపిస్తున్న బస్సు మానవ మలంతో నడుస్తుంది! ఆ మలం నుంచి ఉత్పత్తయ్యే గ్యాస్(బయో మీథేన్) దీనికి ఇంధనం! ప్రపంచంలోనే మానవ మలంతో నడిచే తొలిబస్సు ఇది! దీన్ని లండన్ వీధుల్లో జెన్‌ఇకో సంస్థ ప్రవేశపెట్టింది. 40 మంది ప్రయాణికులు కూర్చునేందుకు వీలుగా ఇందులో సీట్లు ఉంటాయి. మానవ మలం, చెత్తాచెదారం, చెడిపోయిన ఆహారాన్ని ప్రత్యేక ప్రక్రియ ద్వారా ఇంధనంగా మారుస్తారు. ఈ బస్సును పూ పవర్డ్ బస్సుగా పిలుస్తారు.

ప్రకృతి పరిరక్షణకు ఇలాంటి వాహనాలు ఎంతగానో తోడ్పడతాయని, దీని ద్వారా పొగ పెద్దగా వెలువడదని జెన్‌ఇకో సంస్థ తెలిపింది. బస్సులో ఫుల్‌ట్యాంక్ మానవ మల ఇంధనం పోస్తే 300 కిలోమీటర్ల వరకు ప్రయాణిస్తుందని, ఖర్చు కూడా తక్కువేనని పేర్కొంది. ప్రస్తుతం బ్రిస్టల్ నుంచి బాత్ నగరాల మధ్య దీన్ని తిప్పుతున్నామని, త్వరలో మరిన్ని సర్వీసులను ప్రవేశపెడతామని సంస్థ తెలిపింది. వృథాగా పోయే మన మలమే మనను మోసుకెళ్లడం కొంత ఇబ్బందిగా అనిపించవచ్చునేమో కానీ. ఇది ప్రకృతి పరిరక్షణకు ఎంతో మేలు చేకూర్చే ప్రయత్నమని పర్యావరణవేత్తలు కితాబిస్తున్నారు.