చిత్తశుద్ధితో కర్మచేసి దానికి ఫలనిర్ణయం భగవంతునికే వదిలివేయడం ఉత్తమ మార్గం.

Vvs Sarma భగవద్గీత 109 త్యక్త్వా కర్మఫలాసఙ్గం నిత్యతృప్తో నిరాశ్రయః| కర్మణ్యభిప్రవృత్తోऽపి నైవ కిఞ్చిత్కరోతి సః|| 4-20 || ఎవడు కర్మఫలములయందు ఆసక్తినివిడనాడి, నిరంతరము సంతృప్తి కలవాడై, దేనినీ ఆశ్రయింపకయుండునో, అట్టివాడు కర్మలయందు ప్రవర్తించినను, ఒకింతయూ చేయనివాడే అగుచున్నాడు. సామాన్యముగా ఫలాసక్తితోనే మనుష్యుడు కర్మలను చేస్తాడు. ఫలము ఏమైనా నిత్యసంతృప్తితో ఉండాలి. ఆశించిన ఫలము రాకపోయినా నిర్వికారముగా ఉండాలి. ఉహించిన ఫలము రాకపోతే ఇంకా కర్మలు, దుష్కర్మలు కూడా ఛేయకూడదు. న్యాయమైన కర్మకు న్యాయమైన ఫలం కోరుకోవడములో తప్పులేదు, కాని అత్యధికమైన ఫలం ఆశించడం, పాప కర్మలకు తగిన ఫలం రాకుండా ఉండాలని కోరుకోవడం అజ్ఞానాన్నే సూచిస్తాయి. అర్హత లేని ఫలాలు ఆశించి వానికై దుష్టకర్మలు చేయవచ్చు. చిత్తశుద్ధితో కర్మచేసి దానికి ఫలనిర్ణయం భగవంతునికే వదిలివేయడం ఉత్తమ మార్గం.

--------------------