MIGHTY BLESSINGS FROM DIVINE RARE HISTORICAL HUMAN OF THE WORLD, SPECIAL INDIAN CITIZEN, HIS MAJESTIC HIGHNESS JAGADGURUVULU MAHARANI SAMETHA MAHARAJAH SRI SRI SRI ANJANI RAVISHANKAR PILLA VAARUMIGHTY BLESSINGS FROM HIS MAJESTIC HIGHNESS JAGADGURUVULU MAHARANI SAMETHA MAHARAJAH SHRI SHRI SHRI ANJANI RAVISHANKR PILLA VAARU.

		Veera Narasimha Raju June 14 at 10:49pm
దేశ భాషలందు తెలుగు లెస్స అని .. సుందర తెనుంగు అని పేరు పొందిన మన తెలుగు భాషకు వచ్చిన దుర్దినము ఏమో తెలియదు కానీ.. మనలోనే మనం ఇలా కలహించుకునుచు తల్లి రొమ్మునే గుద్దే ఘాతకులం అని ఎంత మాత్రం అనిపించ కూడదు.. అందరూ కలసి పోతన పద్యమ్మొకటి ప్రీతిగా చదివిన చాలును.. అమృతమునే రుచి చూచిన ఆనందము కలుగును. విశ్వదాభి రాముడైన వేమన ఆటవెలదిలో విస్వమెల్ల ఇమిడిపోయిన వేదాంతం విరిసిన పద్యం చదివిన మనకు కలుగు ఎంతో విజ్ఞానం. త్యాగ రాజ స్వామి కీర్తనలో తాదాత్మ్యం పొంది సంగీత సాగరములో ఓల లాడని రసికుడు ఉండనే ఉండడు. ఇతర రాష్ట్ర ప్రజలు కూడా నేర్చి పాడే అమృతంపు గుళికలు అవి. ఇలా మనం మన తెల్గు తల్లి కీర్తిని పాడుతూ కలకాలం మనం జాతి ఐక్యత కాపాడాలి.. తెలుగు జాతి గౌరవాన్ని నిలబెట్టాలి.. ఇక్కడ యెక్కల వీర రాజు గారు రచించిన తెలుగు తల్లి ప్రశస్తి ఇవ్వడం జరిగింది.. కలసి పాడుదాం రండి.ఇక్కడ ఆంధ్రము అంటే తెలుగు అని గమనించాలి. శ్రీలు వెలసిన తెలుగు తల్లికి కీర్తిగాంచిన ఆంధ్ర జననికి చేరి హారతులీయగా, వే గిరము రావే సొదరీ! సుధలు కురిసిన తెలుగు నాటను సిరులు విరిసిన తెనుగు తోటను పుట్టి, పెరిగెడి మనకు లేదిల ఎట్టి కొఱతయు సోదరీ! పలుకు పలుకున తేనే లొలికెడు తెలుగు మాటల తీపు తేటలు వెలికి జిమ్ముము మొల్లవై; కో యిలగ కూయుము సోదరీ! బలిమి కలిమిని దేశమేలిన తెలుగు మగల సురూప రేఖలు జిలుగు బంగరు పుటల నడుమల తీర్చి దిద్దుము సోదరీ! వైరి బలముల నెల్ల సంగర రంగమున నోడించి , సమధిక వీర వనితయునైన రుద్రమ రాణిన్ దలపవే సోదరీ! మసక చీకటి ముసుగు సడలగ దెసలు కొసలును తెల్ల వాఱగ తెలుగు వాడల దివ్య కాంతులు వెలయ జేయుము సోదరీ! ఆంధ్ర వీరుల శౌర్య గాథలు ఆంధ్ర సతుల పవిత్ర చరితలు అమరకంఠమునెత్తి, హాయిగా ఆలపింపుము సోదరీ! ఆంధ్ర విజయ మహాధ్వజాంబర మాకసమ్మున కెగుర వైచుచు ఆంధ్ర విభవాభ్యుదయ నాదము ఆలపింపుము సోదరీ! దిన దినమ్ము భవన్మనమ్మున నవ్యనవ్యరసమ్ము నింపియు దివ్య తేజము గాంచి, సుఖ సం చయము బడయుము సోదరీ! పసిడి నగలు ధరించి మెడలో నొసట కుంకుమ బొట్టు బెట్టియు పట్టు పుట్టము గట్టి మాతకు వందనము లిడు సోదరీ!