బాబోయ్ ... ఇదేం ప్రభుత్వమండి ...
ఒక్క కుంభకోణం లేదు.. అవినీతి ఆరోపణలు లేవు.. లాభీయిస్టులను పక్కన పెట్టారు.. ఆర్థిక రంగంలో దేశం దూసుకు పోతుంది .. చైనాను కూడా దాటి పోతున్నాం.. అభివృద్ధి కార్యక్రమాలు ఊపందుకున్నాయి.. " మేకిన్ ఇండియా " కొత్త పుంతలు తొక్కుతోంది.. విదేశీ ప్రత్యక్ష పెట్టుబడులు పెరిగాయి ... ఉపాధి అవకాశాలు పెరిగాయి.. " ముద్ర యోజన " ... "స్కిల్ ఇండియా "..." స్టాండప్ ఇండియా " మొదలైనవి ఈ దిశలో భాగమే .
రెండేళ్ల పాలనలో జనానికి ఒరిగిందేమిటి.. ?అచ్చేదిన్ ఏమైంది...? ప్రజల స్థితిగతులు మారాయా..? విదేశాలనుండి నల్ల ధనం వెనక్కి వచ్చిందా..? నిత్యావసర వస్తువుల ధరలు తగ్గించారా..? గుడ్డు మీద ఈగలు పీకే వారు ఇలాంటి ప్రశ్నలు చాలానే వేస్తారు .. పండుగ చేసుకోవాలంటే ముందు దుమ్ము దులిపి చెత్తను ఉడ్చెయ్యాలి .. గుమ్మాలకు తోరనాలు కట్టి ముగ్గులు వేసుకోవాలి.. ఈ లోగా పిల్లలు ఆకలి అంటూ మారాం చేయడం సహజం.. ఆ తర్వాత తీపి వంటకాలు ఆస్వాదించేది ఎవరు..? ప్రస్తుతం దేశంలో పరిస్థితి ఇలాగే ఉంది..
ఇంతలోనే నిరాశ పడనక్కర్లేదు.. జన్ ధన్ యోజన , సురక్ష భీమా , జీవన్ జ్యోతి పాలసీలు , ధనికుల వంట గ్యాస్ రాయితీ ఉపసంహరణ .. ఇంకా అనేక సంక్షేమ కార్యక్రమాలు సామాన్యులకు ప్రత్యేకంగా పరోక్షంగా లబ్ధి కలిగిస్తున్నాయి . అన్నిటికన్నా ముఖ్యమైనది సమాజ నిర్మాణం లో అన్ని వర్గాల ప్రజలను భాగస్వాములను చేసిన " స్వశ్చ భారత్ "
కొంత మంది ప్రధాని విదేశీ పర్యటనలపై కూడా విమర్శలు చేస్తున్నారు... ఆయన ఇప్పటి వరకూ చేసిన నిష్ప్రయోజన పర్యటన ఏదైనా ఉంటే చూపగలరా...? అంతర్జాతీయంగా మన దేశ ప్రతిష్ట పెరగలేదా...? వివిధ రకాల ఒప్పందాలతో మన దేశానికి ప్రయోజనాలు కలగలేదా...?
విమర్శించడం ప్రతిపక్షాల లక్షణమే కానీ ... అది దేశాభివృద్ధిని సంక్షేమాన్ని అడ్డుకునే విధంగా ఉండకూడదు . గోటితో పోయే ప్రతి అంశాన్ని భూతద్దం లో చూపి రాద్ధాంతం చేయడం వల్ల ఎవరికీ ప్రయోజనం ఉండదు . ఇలాంటి వారిని పెద్దగా పట్టించుకోవలసిన అవసరం లేదు ...
మోడీ ప్రభుత్వంను విమర్శిస్తున్నవారు ఒక్క సారి ఆత్మ విమర్శ చేసుకుని మిమ్మల్ని మీరు ప్రశ్నించుకోండి... స్వాతంత్య్రం వచ్చిన తర్వాత ఏ ప్రభుత్వమైనా ఇంత పారదర్శకంగా ఇంత వేగంగా పని చేసిందా........ భారత దేశాన్ని అన్ని రంగాల్లో ముందుకు తీసుకు వెళ్తూ దేశాన్ని అగ్రస్థానంలో నిలబెట్టడానికి కృషి చేస్తున్న మీకు ప్రజల అండ దండలు ఎల్లప్పుడూ ఉండాలని మనసారా కోరుకుంటూ ......... రాంరెడ్డి
లగే రహో మోడీ జీ.... హమ్ తుమారే సాథ్ హై...
No comments:
Post a Comment