హమారే పాస్... ముద్రగడ హై .. ! కురుక్షేత్రానికి ముందు ఓ అద్భుత దృశ్యం. నా సైన్యం… గజతురగ పదాతి దళాలన్నీ నీకు సాయంగా వస్తాయ్. నేను మాత్రం అర్జునుడి వైపు ఉంటాను రథ సారథిగా అంటాడు శ్రీ కృష్ణుడు. ఆలమందలతో ఆలుమందలతో అలిసిన కృష్ణుడొక్కడు లేకపోతే ఏమైంది… ద్వారక బలగం మనవైపు ఉండగా అనుకుంటాడు దుర్యోధనుడు. తర్వాత యుద్ధభూమిలో తెలుస్తుంది ఆ ఒక్కడే సైన్యసాగరమంత ప్రభావం చూపడగలడని !
సరిగ్గా కాపుల విషయంలోనూ ఇంతే ! రాజకీయంగా దెబ్బతీయటానికి ఒక్కప్పుడు కొన్ని స్వార్ద వర్గాలు, నాయకులు పన్నిన కుట్రలో భాగంగా కాపులు ఆర్దికంగా సన్నగిల్లిపోయి అన్నింటికి చెడ్డారు.. అంత నిరాశలోనూ ఒక్కటే ఆశ. ఒక్కడి మీదే ఆశ. ఒక్కడున్నాడన్న భరోసా! ముద్రగడ ఉన్నాడు..చూసుకుంటాడు !
ఎస్… హమారే పాస్… ముద్రగడ హై… ! భవిష్యత్ ఏంటో తెలియదు… ఎక్కడ నుంచి మొదలు పెట్టాలన్న ఆలోచనతోనే గుండె చెరువైపోతున్న సమయంలో దొరికిన ధైర్యం…చిక్కిన స్థైర్యం… ముద్రగడ. పొడగ్తలా అనిపించినా.. అగడ్తలా కనిపించినా వాస్తవం ఇదే! వర్తమానం ఇదే! భవిష్యత్ కూడా ఇదే! ఒక్కప్పుడు అధికార పక్షాల మెడలు వంచి జి.వో 30ని సాధించిన ముద్రగడ గారు మళ్ళి అవే వాటి మీద ఉద్యమం చేస్తున్నారు అంటే మనం ఏమి అర్దం చేసుకోవాలి????
మన నాయకులు ఇన్నాళ్ళు మన కోసం ఏమి చేసారో చెప్పకుండా వారి నాయకుల తెలివిని కూడా గ్రహించని బుర్రతక్కువ నాయకులు "ఇన్నాళ్ళు ముద్రగడ గారు ఎక్కడున్నారు?? ఇప్పుడెందుకు ఈ ఉద్యమం??" ఉద్యమాన్ని పక్కదారి పట్టించడానికి ఇలా అనడం యువతకి కొంచం హాస్యస్పదముగా ఉంది. అయినా పర్లేదు ఇప్పుడు కాపులలో దుక్కిదున్నడం మొదలైపోయింది. ఆలోచనల విత్తులు జల్లి, మొక్కలు పెంచి వృక్షాలుగా మలచడమే మిగిలింది. ఆ పని ఆల్రెడీ జరుగుతోంది. మీరు చేస్తున్న కుటిల రాజకీయం కన్నా కూడా మా యువత ఇంకాస్త మెరుగ్గానే ఉంది. అవకాశాల అన్వేషణలో కూడా ముందుంది.ప్యూచర్ ని అంచనా వేసే పర్ఫెక్షన్ ఉంది.ఇది వాస్తవం. ముప్ఫై ఏళ్లు ముందుకెళ్లి వారికి ఆలోచన శైలి ఉంది కాబట్టే ముద్రగడ సూపర్ పవర్ కాగలుగుతున్నారు. అంతకు మించిన ముందు చూపుతో.. చొరవతో… అన్నిటికీ మించి తీక్షణతతో ముద్రగడ అడుగేస్తున్నాడు కాబట్టే కాపు పొటెన్షియల్ ఫోర్స్ గా మారబోతున్నారు మరో పదేళ్లలో! మరో మూడేళ్లలో ఏపీలో కాపులు ఒక బేలెన్స్ స్థాయికి రావడం ఖాయం. అది ఆయన ఎఫెక్ట్. యువతలో వస్తున్న రెస్పాన్స్.... ఇప్పుడు అందరు కూడ పడిలేచిన కాపులుగా మారాలి అనుకుంటున్నారు....
ఒకే ఒక్కడి ఆలోచన… ఒకే ఒక్కడి దీక్ష… ఒకే ఒక్కడి సంకల్పం. కాపు ధీమా… బీమా… ముద్రగడే ! హమారే పాస్ ముద్రగడ హై ! రాజకీయంగా చూసుకున్నా అంతే !. ఉవ్వెతున్న ఎగసిపడుతున్న ఉద్యమం మేము సైతం అంటున్న బడుగు,బలహీన వర్గాలు. మేము ఏ పార్టిలకి చెందిన వ్యక్తులం కాదు కేవలం మీరు ఇచ్చిన హామి నిలబెట్టుకొండి అని అడుగుతుంటే కూడా మమ్మలని రోడ్ల మీదకు లాగుతారా. ఇందుకేనా మీకు వోట్లు వేసింది. ఇదేనా మీ ప్రజారంజక పాలన? ఇప్పటికైనా మించింది లేదు కాలయాపన మాని ఇంతక ముందు ఉన్న జి.వో ని అమలు చేయండి. మీ రాజ్యాధికారాన్ని పాడు చేసుకోకండి లేదంటే మీ గోడలు బద్దలయ్యే ప్రమాదం లేకపోలేదు.తస్మాత్ జాగ్రత్త!! హమారే పాస్ ముద్రగడ హై ! జైహింద్. మీ సాయిబాబా నాయుడు.
No comments:
Post a Comment