ఓ మానవా ! ఓరోరీ ! మానవా ! మానవా ! నిందలు వెయ్యడం మానవా ! తప్పులు చెయ్యడం మానవా ?

Raghavanand Mudumba

ఓ దేముడా !
సూర్య దేవుడా !
నీ సెట్టింగ్స్ మార్చుకోవయ్యా !
40 ల లోకి వచ్చేస్తున్నావు .
మమ్మల్ని భయపెట్టేస్తున్నావు
కొంచెం డిస్ప్లే లోకి వెళ్ళు
బ్రైట్నెస్ తగ్గించు .

ఓ మానవా !
ఓరోరీ ! మానవా !
మానవా !
నిందలు వెయ్యడం మానవా !
తప్పులు చెయ్యడం మానవా ?
నా సెట్టింగ్స్ అప్పుడూ ఇప్పుడూ ఎప్పుడూ
ఒక్కలాగే ఉన్నాయి .
నువ్వే భూమాత సెట్టింగ్స్ మార్చేస్తున్నావు.
నీరు నిల్వలు లేకుండా చేశావు .
ఇళ్ళు కట్టేశావు . కాంక్రీటు అడవిని పెంచేశావు .
చెట్లు నరికేశావు . ఫ్యాక్టరీలు పెంచేశావు .
ఎ సి లు బిగించావు . ఓజోను కన్నం చేశావు .

అన్నీ నువ్వే చేసి నన్నెందుకు ఆడి పోసుకుంటూ ఉన్నావు
నీ ఖర్మకి నువ్వే బాధ్యుడవు