3

Nvmvarma Kalidindi‎kavi sangamam

కె.ఎన్.వి.ఎం.వర్మ//నాలుగు మాటలు//

స్వేచ్చా స్వాతంత్ర్యాల కోసం కాదు
స్వేచ్చా స్వాతంత్ర్యాలతోనే అంటున్నాను
నాకున్న పరిధిలోనే నాలుగు మాటలు
ఏ మాత్రం లేవు సంకెళ్ళు
చింతల్లా నా గురించే
ఊడలేయాలనుకొన్న నేల కోసమే
దోరకనిది ఏమీ లేదిక్కడ
అంతా స్వేచ్చా స్వాతంత్ర్యాలకు లోబడే

గుప్పెడు మెతుకులు
నేలలో కలిసిపోవడానికి నెల రోజులు
తీయని చాక్లెట్ ప్లాస్టిక్ కవర్
ఆయువు వందల ఏళ్ళు
చరిత్ర ఆనవాళ్ళు శిలావిగ్రహాలు
దక్షిణాఫ్రికా ఊజెల్లా ఊది చెబుతున్నా
నాకున్న పరిధిలోనే నాలుగు మాటలు
అంతా స్వేచ్చా స్వాతంత్ర్యాలకు లోబడే

గంటకో మానభంగం
రోజుకో బాంబు దాడి
నెలకో కొత్త చట్టం
న్యాయం ఎంత కాలమైనా పట్టోచ్చు
కొత్త జైల్లు కట్టరిక్కడ
కళ్ళకు గంతలు విప్పుకు వెదికినా
అందరూ మృగాడి తరపు న్యాయవాదులే
"ఒక్క మగాడూ కనబడుట లేదు"

చింతల్లా నా గురించే
తప్పిపోతే కర్మసిద్దాంతలో వెదికించకే
నిజం చెబితే క్షమించే దేవుడుంటే
అబద్దమాడుట తప్పు లేదా?
సర్వమత సహనం నాది సందేహాలూ ఎక్కువే
ఏ మతం ఎన్ని హత్యలు చెసిందన్న అంకెలూ మక్కువే

పిల్లలెందరని ప్రశ్నలెందుకు
అనాధవా! కాదా? అని అడుగు
కొందరివి వీధులు, కొందరివి ఆశ్రమాలు
తులసి తీర్ధం పోసే తనయుడి కోసం
కోబ్రా సెంటు వాసనలో పార్దీవదేహం ఎదురుచూపులు
ఊరికో ఎయిర్ పోర్ట్ కట్టిన్నా బాగుండు

దొరకనివి ఏమీ లేవిక్కడ
మనిషొక్కడే మురుగులో మరుగు
వీధి కొక్క దేవుడు
సంక్షేమాల, సబ్సిటీల వితరణ
పని లేదా?
ఐతే పనికి ఆహార పధకం?
ఊరంతా శవాలే
రైతే కొన ఊపిరితో ఉన్నాడు
కల్తీ పురుగు మందుల పుణ్యాన

కొండకో ఎక్స్ పోర్టర్
చెట్టుకో స్మగ్లర్
సంవత్సరానికొకసారి జెండావందనం
తప్పిపోయిన అన్న ఒకడు
రహదారి మీద పేల్చితే ల్యాండుమైన్
తగులు మిగులూ ఊడ్చడానికి
అడవిలోంచి దూసుకొస్తుందో తూటా
ఊడలెయ్యాలనుకొన్న నేల కోసమే
ఎరుపు ఆకు పచ్చని కల గంటుంది
నాలుగు విత్తులు చల్లి మన్నుతో చెబుతున్నా
నాకున్న పరిధిలోనే నాలుగు మాటలు
అంతా స్వేచ్చా స్వాతంత్ర్యాలకు లోబడే......01.12.2013.