ఎదురుచూపులో ఎంతో అందం వుంది.
శబరి శ్రీరాముని కోసం ఎదురు చూసింది అనుక్షణం, ఆ క్షణమే వస్తాడని.
హనుమంతుడు శ్రీరాముని కోసం ఎదురు చూసేడు ఆయననే ధ్యానిస్తూ.
అశోకవనంలో సీతాదేవి ఎదురు చూసింది శ్రీరాముడే తన ప్రాణంగా.
విశ్వామిత్రుడు శ్రీరాముని తనతో తీసుకువెళ్లే ఘడియ కోసం ఎంతగా ఎదురు చూసేడో.
శ్రీరాముని దివ్య చరణ స్పర్శకై అహల్య ఎంత ఎదురు చూసింది - ఒక శిలగా?
తన నావలో శ్రీరాముడు అడుగు పెట్టేందుకు గుహుడు ఎంతగా ఎదురు చూసేడో.
తమ దివ్య శక్తులన్నీ విశ్వామిత్రుని ద్వారా శ్రీరామునిలో ఆశ్రయం పొందేందుకు ఆ దేవీదేవతలు ఎంతగా ఎదురు చూసేరో.
ఆ ఎదురు చూపులే ఒక ధ్యానము.
ఆ ధ్యానమే శ్రీరామాయణము.
No comments:
Post a Comment