ప్రజల ఆకాంక్షలకు అండగా నిలబడడం,సంఘ వ్యతిరేక శక్తుల్ని బహిష్కరించడం, ప్రభుత్వం చేపట్టే మంచి కార్యక్రమాల్ని సమర్ధించడంతో బాటు..ప్రజావ్యతిరేక నిర్ణయాల్ని,విధానాల్ని వ్యతిరేకించడం, క్రమం తప్పకుండా ప్రజల్లో చైతన్యం కలిగించే చిన్న చిన్నసమావేశాలు,సదస్సులు పెట్టుకోవడంచేయగలగాలి. అప్పుడే పాలకులతోబాటు మిగతా రాజకీయపక్షాలు, ఇతర శక్తులు అప్రమత్తంగా వుంటాయి. మీడియా కూడా ఇటువంటి పౌరసమాజానికి తగిన గౌరవం,గుర్తింపూ ఇవ్వాలి.

Satish Babu, Journalist Diary

ఇప్పుడు ఆంధ్రప్రదేశ్ రాష్ట్రంలో కావాల్సింది ఒక బలమైన 'పౌర సమాజం'..! అక్కడ అటువంటి అవసరం కచ్చితంగా ఉంది. ప్రభుత్వ విధానాలు, శాంతిభద్రతలు, రాజధాని నిర్మాణం..అంశం ఏదైనా రాజకీయ నాయకుల చేతుల్లోపడి పక్కదార్లు పట్టకుండా సమాజంలో వున్న విద్యావంతులు, వృత్తి నిపుణులు, రాజకీయాలకు అతీతంగా వున్న ప్రముఖులు ఒక బలమైన పౌర సమాజంగా ఏర్పడవలసిన పరిస్థితి. పోరాటాలు, ఉద్యమాల వంటిపెద్దపెద్ద మాటలన్నీ అవసరంలేదుకానీ..ప్రజల ఆకాంక్షలకు అండగా నిలబడడం,సంఘ వ్యతిరేక శక్తుల్ని బహిష్కరించడం, ప్రభుత్వం చేపట్టే మంచి కార్యక్రమాల్ని సమర్ధించడంతో బాటు..ప్రజావ్యతిరేక నిర్ణయాల్ని,విధానాల్ని వ్యతిరేకించడం, క్రమం తప్పకుండా ప్రజల్లో చైతన్యం కలిగించే చిన్న చిన్నసమావేశాలు,సదస్సులు పెట్టుకోవడంచేయగలగాలి. అప్పుడే పాలకులతోబాటు మిగతా రాజకీయపక్షాలు, ఇతర శక్తులు అప్రమత్తంగా వుంటాయి. మీడియా కూడా ఇటువంటి పౌరసమాజానికి తగిన గౌరవం,గుర్తింపూ ఇవ్వాలి.
ఈ మాటలు మాకు చెప్పడం దేనికి..మీలాంటివాళ్ళు చెయ్యొచ్చుగా..అనే వాళ్ళు ఉండొచ్చు.నేను హైదరాబాదు వాసిని. ఆ రాష్ట్రంలో నివసిస్తున్న వ్యక్తులకే అటువంటి బాధ్యతలు ఉంటాయని మనవి. ఇక్కడ ఫేస్బుక్ లో ఉన్న చాలామంది ఆ పనికి పూనుకోవచ్చు.ఆలోచించండి..!