ఆయనకి అభిమానం పంచిన తమ్ముళ్ళం మనం, మెగాస్టార్ జిందాబాద్ అంటూ చిరంజీవిపై ఉన్న అభిమానాన్ని చాటారు బ్లాక్‌బస్టర్ ప్రొడ్యూసర్ బండ్ల గణేష్ బాబు.

పేటకు ఆయనే మేస్త్రి.. కొడితే ఆయనే సిక్సు కొట్టాలి : బండ్ల గణేష్ ట్వీట్

Updated : 3/16/2015 5:38:17 PM

Views : 4549

హైదరాబాద్ : పవర్ స్టార్ పవన్ కళ్యాణ్‌కి వీరాభిమాని మరియు భక్తుడు అయిన బండ్ల గణేష్ బాబు ఈ సారి చిరంజీవికి మద్దతుగా నిలిచారు. సందర్భోచితంగా మాట్లాడటం, వినోదం పంచడంలో బండ్ల గణేష్ బాబు రూటేవేరు. రాముడు లేని రామాయణం చదవం చిరంజీవి పేరు లేని తెలుగు సినిమా గురించి మాట్లాడలేం. సంవత్సరాలు గడిచినా గుణం మారని దృవనక్షత్రం మెగా స్టార్. ఎన్టీఆర్, ఏఎన్నార్, కృష్ణ గార్ల తరువాత స్వయం కృషితో నెంబర్ 1 స్థానాన్ని అదిరోహించి మూడు దశాబ్దాలుగా సినీ పరిశ్రమను ఏలిన మకుటం లేని మహారాజు అని, తెలుగు క్యాలెండర్‌లో పండగలు ఉంటే తెలుగు సినీపరిశ్రమ కాలెండర్‌లో చిరంజీవిగారి సినిమా రిలీజ్ డేట్లు ఉంటాయి అంటూ చిరంజీవి గొప్పదనాన్ని బండ్ల బాబు ట్విట్టర్‌లో కొనియాడారు.

డ్యాన్సు నేర్చుకోవాలంటే, ఫైట్స్ ప్రాక్టీస్ చేయాలంటే అంతెందుకు చివరిచి నడవాలంటే, నిలబడాలంటే కూడా మెగాస్టార్ నుండి నేర్చుకున్నవే. చిరంజీవిలా కష్టపడి పైకి రా అని కొడుకుతో అంటాం. కష్టపడి పైకొస్తాం అంటూ చిరంజీవిని ఆదర్శంగా తీసుకునే యువత అనేకం. సైకిల్ స్టాండ్ ఎంప్లాయి నుంచి నెంబర్‌వన్ ప్రొడ్యూసర్ దాకా ఎదురుచూసేది చిరంజీవి సినిమా కోసమే. పేటకు ఆయనే మేస్త్రి. కొడితే ఆయనే సిక్సు కొట్టాలి. ఆయనకి అభిమానం పంచిన తమ్ముళ్ళం మనం, మెగాస్టార్ జిందాబాద్ అంటూ చిరంజీవిపై ఉన్న అభిమానాన్ని చాటారు బ్లాక్‌బస్టర్ ప్రొడ్యూసర్ బండ్ల గణేష్ బాబు.

అయితే ఈ ట్వీట్‌లు ఎవరిని ఉద్దేశ్యించి చేసిందో మాత్రం చెప్పలేదు.