కర్మ బ్రహ్మోద్భవం అని చెప్పినప్పుడు ఈ బ్రహ్మ ఎవరు? అనే ప్రశ్న వస్తుంది. జీవునకు కరచరణాది అవయవములు, సంకల్పవికల్పములు ఇచ్చినది సృష్టికర్త యైన చతుర్ముఖ బ్రహ్మ.

Vvs Sarma భగవద్గీత 67 అన్నాద్భవన్తి భూతాని పర్జన్యాదన్నసమ్భవః| యజ్ఞాద్భవతి పర్జన్యో యజ్ఞః కర్మసముద్భవః|| 3-14 || ప్రాణము (జీవకోటి) అన్నము వలన కలుగుతున్నది. అన్నము (వర్షమునిచ్చు) మేఘము వలన కలుగుతున్నది. మేఘము యజ్ఞము వలన కలుగుతున్నది. యజ్ఞము సత్కర్మవలన కలుగుతున్నది.  కర్మ బ్రహ్మోద్భవం విద్ధి బ్రహ్మాక్షరసముద్భవమ్| తస్మాత్సర్వగతం బ్రహ్మ నిత్యం యజ్ఞే ప్రతిష్ఠితమ్|| 3-15 || సత్కర్మ వేదములవలన కలుగుతున్నది. వేదము అక్షరమైన పరబ్రహ్మము వలన కలుగుచున్నది. కనుక సర్వవ్యాపకమగు ఆ బ్రహ్మమే, నిరంతరము యజ్ఞమునందు ప్రతిష్టింపబడినదానినెరుంగుము.  సకల ప్రాణులు అన్నము వలన కలుగుచున్నవి. అన్నము వర్షము వలన, వర్షము యజ్ఞమువలన కలుగుచున్నవి. ఈ ప్రపంచములో ఏ ఒక జీవుడైనా భగవంతుని ప్రసాదముచేత వర్షము పడుతున్నట్లు భావన చేస్తే, ఆ భావనే యజ్ఞము. ఆ సత్యము సృష్టిలో ఉన్నంత వరకు యజ్ఞము జరుగుతున్నట్లే లెక్క. ఎవరైతే సమస్త కారణములు యజ్ఞము వల్లనే అనిగుర్తిస్తాడో అతడు పరమేశ్వరుని గుర్తించినట్లే. నిత్యజీవితములో పరమేశ్వరునిగుర్తించి ఛేసిన ప్రతికర్మా యజ్ఞమే కనుక దాని ఫలంగా వర్షము, అన్నము, సంతానము, దానివలన కలుగు సుఖదుఃఖములు అన్నీ ఉన్నాయి.  కర్మ బ్రహ్మోద్భవం అని చెప్పినప్పుడు ఈ బ్రహ్మ ఎవరు? అనే ప్రశ్న వస్తుంది. జీవునకు కరచరణాది అవయవములు, సంకల్పవికల్పములు ఇచ్చినది సృష్టికర్త యైన చతుర్ముఖ బ్రహ్మ. ఈ సగుణబ్రహ్మ పరబ్రహ్మనుంది వచ్చినది. అది నశించనిది. యజ్ఞమందు ప్రతిష్ఠితమై ఉంటుంది.. కర్మ చేయుట, ఫలాన్ని అనుభవించుట అంతా యజ్ఞములో భాగములే. సమస్తసృష్టి కోరికలతో కూడియుండి, యజ్ఞమయమై ఉన్నది. ###

--------------------------

మహారాజ శ్రీ శ్రీ అంజనీ రవిశంకర్ పిళ్ళా వారు 

పరిపాలన కార్యాలయం (డైరెక్టరేట్ అఫ్ కింగ్ అండ్ క్వీన్ )

హైదరాబాద్.