రాజకీయ అవినీతిపైనే అపనమ్మకం : పవన్

హైదరాబాద్ : సింగపూర్ లాంటి రాజధాని నిర్మాణానికి రాజకీయ నిబద్ధత ఉండాలని జనసేన పార్టీ అధినేత పవన్‌కళ్యాణ్ పేర్కొన్నారు. కానీ రాష్ట్ర రాజకీయాల్లో రాజకీయ అవినీతిపైనే తనకు అపనమ్మకం ఉందన్నారు. అవినీతి, అక్రమాలకు తావు ఉండకూడదు. అప్పుడే సింగపూర్ లాంటి రాజధాని నిర్మాణం సాధ్యమన్నారు. కానీ ఇక్కడ అలాంటి పరిస్థితి కనిపించడం లేదని స్పష్టం చేశారు. సింగపూర్ లాంటి రాజధాని సైతం రైతులకు ఉపయోగపడేలా ఉండాలని సూచించారు.

రాజధాని సింగపూర్ మోడల్ అంటున్నారు.. కానీ రాజకీయ అవినీతి ప్రమాదకరమని చెప్పారు. సింగపూర్‌లో అవినీతి లేదు. ఇక్కడ పెద్ద ఎత్తున అవినీతి ఉందన్నారు. 33 వేల ఎకరాల్లో నిర్మించబోయే రాజధానిని ఎన్ని దశల్లో అభివృద్ధి చేస్తారని ప్రశ్నించారు. ఏపీకి ప్రత్యేకహోదాపై కేంద్రం వెనక్కి తగ్గడం బాధాకరమన్నారు. కేంద్రం ప్రత్యేకహోదాపై స్పందించకపోతే భవిష్యత్ కార్యాచరణ ప్రకటిస్తానని తెలిపారు.