ప్రాణుల అనర్ధములను తీసివేయువాడు అనే అర్ధంలో 'శిధిలీకృత అనర్థం 'అని గొప్ప విశేషణం చెప్పారు.అర్థం అనగా ప్రయోజనం.మానవుడు సాధించవలసిన ప్రయోజనం ఇహలోకంలోగల భోగ్య వస్తువులనన్నిటినీ సేకరించుకొని వాటిని స్వేచ్చగా అనుభవించడం కానేకాదు.ఇవ్న్నీ నిజానికి అనర్ధాలు.వీటినన్నింటినీ తప్పించుకొని మోక్ష పురుషార్ధాన్ని సాధించటమే అర్థం.దానికి భగవంతుని సాహాయాన్ని కోరుకోవటం మన కర్తవ్యం.'నాన్య:పంథా విద్యతేయనాయ 'అన్న శృతి వాక్యం ఇదే సత్యాన్ని తెలుపు తున్నది.ఇలా మోక్షాన్ని ప్రసాదించేవాడు పరమాత్మ అని నారాయణ తీర్థులు ఈతరంగం ద్వారా మనకు తెలియజేస్తున్నారు.

Subrahmanyam Bhamidipati

కృష్ణం కలయ సఖి సుందరం-బాల
కృష్ణం గతవిషయ తృష్ణం జగత్ప్రభ విష్ణుం సురారిగణ జిష్ణుం సదా-బాల
నృత్యంతమిహముహు రత్యంతమపరిమిత భృత్యానుకూల మఖిల సత్యం సదా-బాల
ధీరం భవజలధి పారం సకలవేదసారం సమస్తయోగితారం సదా -బాల
శృంగార రసభర సంగీత సాహిత్య గంగాలహరీఖేల సంగం సదా-బాల
రామేణ జగదభిరామేణ బలభద్ర రామేణ సహావాప్త కామేన సదా-బాల
రాధారుణాధర సుధాపం సచ్చిదానంద రూపం జగత్రయభూపం సదా-బాల
దామోదర-మఖిల కామాకరం ఘన శ్యామాకృతి మసుర భీమం సదా-బాల
అర్ధం శిధిలీకృతానర్ధం శ్రీనారాయణ తీర్థ పరమపురుషార్ధం సదా-బాల

ఇక్కడ గతవిషయ తృష్ణం అనేది ఆప్తకాముడు అనేదానికి మరోరూపం.ఏకోరికలు లేనివాడు అనేఅర్ధంలో అన్నికోరికలు తీరినవాడు అని తాత్పర్యం.
జగత్ప్రభవిష్ణుం అనేది 'జన్మాద్యస్య యత: 'అనేబ్రహ్మసూత్ర వాక్యానికి వ్యాఖ్య.
'శృంగార రసభర సంగీతసాహిత్య గంగాలహరికేల సంగం' అనేముఖ్య విశేషణం సంగీత సాహిత్య శాస్త్రాలకు చెందింది.నారాయణ తీర్థుల వారికి రెండూ అత్యంత ప్రియమైనవి.సంగీత సాహిత్యాలు తీర్థుల జీవితంలో పడుగు పేకల్లా అల్లుకు పోయాయి.ఈవిధంగా తననే ఆయన ఆవిష్కరించుకున్నాడు.
'శృంగార రసభర ' అనడంచేత సాహిత్యంలో నవరసాలలో శృంగారం శ్రేష్టమైనదన్న భోజమతాన్ని ఈయనకూడా సమర్ధించారన్నమాట.
ప్రపంచమంతా ప్రకృతి పురుషులలీలకాబట్టి అనేకరూపాలలో శృంగరం పరిణమించి ఆహ్లాదకారి అవుతున్నది.రాధాకృష్ణుల శృంగారమన్నా అదే.రాధ ప్రకృతి స్వరూపిణి,కృష్ణుడు పురుషుడు.
రాధారుణాధర సుధాపం అనే వాక్యం ద్వారా తీర్థులవారు ఆవిషయాన్ని కూడా ఉద్ఘాటించారు.ఆ వెంటనే సచ్చిదానంద రూపం అని చెప్పారు.రాధాకృష్ణులను కేవలం శృంగార మూర్తులుగా మాత్రమే తీసుకోని వికృతభావాలను పొందవద్దని ఆయన సచ్చిదానంద రూపుడని సామాన్య జీవుల తుచ్చ శృంగారకేళికి ఆయన అతీతుడని తీర్థులవారు ఇక్కడ మనకు హితోపదేశ రూపంలో వివరించారు.
ప్రాణుల అనర్ధములను తీసివేయువాడు అనే అర్ధంలో 'శిధిలీకృత అనర్థం 'అని గొప్ప విశేషణం చెప్పారు.అర్థం అనగా ప్రయోజనం.మానవుడు సాధించవలసిన ప్రయోజనం ఇహలోకంలోగల భోగ్య వస్తువులనన్నిటినీ సేకరించుకొని వాటిని స్వేచ్చగా అనుభవించడం కానేకాదు.ఇవ్న్నీ నిజానికి అనర్ధాలు.వీటినన్నింటినీ తప్పించుకొని మోక్ష పురుషార్ధాన్ని సాధించటమే అర్థం.దానికి భగవంతుని సాహాయాన్ని కోరుకోవటం మన కర్తవ్యం.'నాన్య:పంథా విద్యతేయనాయ 'అన్న శృతి వాక్యం ఇదే సత్యాన్ని తెలుపు తున్నది.ఇలా మోక్షాన్ని ప్రసాదించేవాడు పరమాత్మ అని నారాయణ తీర్థులు ఈతరంగం ద్వారా మనకు తెలియజేస్తున్నారు.

Li